Великомученику Георгию Победоносцу
Святы́й, сла́вный и всехва́льный великому́чениче Христо́в Гео́ргие! Со́браннии во хра́ме твое́м и пред ико́ною твое́ю свято́ю покланя́ющиися лю́дие мо́лим тя́, изве́стный жела́ния на́шего хода́таю: моли́ с на́ми и о на́с умоля́емаго от Своего́ благосе́рдия Бо́га, да ми́лостиво услы́шит на́с, прося́щих Его́ благосты́ню (имена́), и не оста́вит вся́ на́ша ко спасе́нию и житию́ ну́жная проше́ния, и да укрепи́т же да́нною тебе́ благода́тию во бране́х правосла́вное во́инство, и си́лы возстаю́щих вра́г на́ших да низложи́т, да постыдя́тся и посра́мятся, и де́рзость и́х да сокруши́тся, и да уве́дят, я́ко мы́ и́мамы Боже́ственную по́мощь: и все́м в ско́рби и обстоя́нии су́щим многомо́щное яви́ твое́ заступле́ние: умоли́ Го́спода Бо́га, всея́ тва́ри Созда́теля, изба́вити на́с от ве́чнаго муче́ния, да всегда́ прославля́ем Отца́ и Сы́на и Свята́го Ду́ха, и твое́ испове́дуем предста́тельство, ны́не и при́сно и во ве́ки веко́в.
Святой, славный и повсюду прославляемый великомученик Христов Георгий! Мы, собравшиеся в Твоём храме и перед святой иконой Твоей преклоняющие колени люди, умоляем Тебя, известного ходатая наших желаний: молись вместе с нами и о нас умоляемого нами по Своему милосердию Бога, чтобы Он милостиво услышал нас, просящих Его благодати (имена), и не оставил без внимания все наши просьбы, необходимые для спасения и жизни, и да укрепит Он дарованной Тебе благодатью в битвах православное воинство, и силы восстающих на нас врагов да низложит, чтобы они устыдились и были посрамлены, и дерзость их да сокрушится, и да узнают они, что имеем мы Божественную помощь. И всем, находящимся в скорби и трудных обстоятельствах, яви Твое могущественное заступничество. Умоли Господа Бога, всего творения Создателя, избавить нас от вечного мучения, чтобы мы всегда прославляли Отца и Сына и Святого Духа, и Твоё признаём предстательство, ныне и всегда и во веки веков. Аминь.
Священномученику Ермогену, патриарху Московскому
О, вели́кий уго́дниче Христо́в, святи́телю о́тче на́ш Ермоге́не! К тебе́, моли́твеннику те́плому и предста́телю пред Бо́гом непосты́дному, усе́рдно притека́ем, в ну́ждах и ско́рбех на́ших утеше́ния и по́мощи прося́ще. В дре́внюю годи́ну искуше́ний, внегда́ обыше́дше обыдо́ша страну́ на́шу нечести́вии врази́, Госпо́дь яви́ тя́ Це́ркви Свое́й столпа́ непоколеби́ма и лю́дем росси́йским па́стыря до́бра, ду́шу свою́ за о́вцы положи́вша и лю́тыя во́лки дале́че отгна́вша. Ны́не у́бо при́зри и на ны́, недосто́йныя ча́да твоя́ (имена́), умиле́нною душе́ю и сокруше́нным се́рдцем тебе́ призыва́ющия. Кре́пость бо на́ша в на́с оскуде́ и вра́жия ловле́ния и се́ти обыдо́ша на́с. Помози́ на́м, засту́пниче на́ш! Утверди́ на́с в ве́ре святе́й: научи́ на́с всегда́ твори́ти за́поведи Бо́жия и вся́ преда́ния церко́вная, от оте́ц на́м запове́данная. Па́стырем на́шим бу́ди архипа́стырь, во́ином во́ждь духо́вный, боля́щим вра́ч, печа́льным уте́шитель, гони́мым засту́пник, ю́ным наста́вник, все́м же благосе́рдный оте́ц и за вся́ те́плый моли́твенник я́ко да моли́твами твои́ми огражда́еми, непреста́нно воспое́м и просла́вим всесвято́е и́мя Живонача́льныя Тро́ицы, Отца́ и Сы́на и Свята́го Ду́ха во ве́ки веко́в. Ами́нь!
О, великий угодник Христов, святитель отче наш Ермоген! К тебе, как к горячему молитвеннику и непостыдному предстателю перед Богом, мы усердно прибегаем, прося в наших нуждах и скорбях утешения и помощи.
В давнюю годину испытаний, когда нечестивые враги окружили нашу страну, Господь явил тебя Церкви Своей как непоколебимый столп и для народа российского добрым пастырем, положившим душу свою за овец и отогнавшим лютых волков. Ныне же воззри и на нас, недостойных чад твоих (имена), с умиленной душой и сокрушенным сердцем к тебе взывающих. Ибо сила наша в нас оскудела, и вражьи сети окружили нас.
Помоги нам, заступник наш! Утверди нас в святой вере, научи нас всегда исполнять заповеди Божии и все церковные предания, от отцов нам завещанные. Для пастырей наших будь архипастырем, для воинов духовным вождем, для болящих врачом, для печальных утешителем, для гонимых защитником, для юных наставником, а для всех милостивым отцом и о всех горячим молитвенником, чтобы, твоими молитвами защищаемые, мы непрестанно воспевали и прославляли всесвятое имя Живоначальной Троицы, Отца и Сына и Святого Духа, во веки веков. Аминь!
Мученику Иоанну Воину
О, вели́кий Христо́в му́чениче Иоа́нне, правосла́вных побо́рниче, враго́в прогони́телю и оби́димых засту́пниче! Услы́ши на́с, в беда́х и ско́рбех моля́щихся тебе́, я́ко дана́ тебе́ бы́сть благода́ть от Бо́га печа́льныя утеша́ти, немощны́м помога́ти, непови́нныя от напра́сныя сме́рти избавля́ти и за все́х зле́ стра́ждущих моли́тися. Бу́ди у́бо и на́м побо́рник кре́пок на вся́ ви́димыя и неви́димыя враги́ на́ша, я́ко да твое́ю по́мощию и побо́рством по на́с посра́мятся вси́ явля́ющии на́м зла́я. Умоли́ Го́спода на́шего, да сподо́бит ны́, гре́шныя и недосто́йныя рабы́ Своя́ (имена́), получи́ти от Него́ неизрече́нная блага́я, я́же угото́ва лю́бящим Его́, в Тро́ице Святе́й сла́вимаго Бо́га, всегда́, ны́не и при́сно и во ве́ки веко́в. Ами́нь!
О, великий мученик Христов Иоанн, защитник православных, изгоняющий врагов и заступник обижаемых! Услышь нас, в бедах и скорбях тебе молящихся, ибо дана тебе от Бога благодать утешать печальных, помогать немощным, избавлять невинных от внезапной смерти и молиться за всех, от зла страдающих.
Стань же и для нас крепким защитником против всех видимых и невидимых врагов наших, чтобы благодаря твоей помощи и заступничеству были посрамлены все, кто замышляет против нас зло.
Умоли Господа нашего, да удостоит нас, грешных и недостойных рабов Своих (имена), получить от Него неизреченные блага, которые Он уготовил любящим Его, Бога, в Троице Святой славимого, во веки веков. Аминь!
Еще молитвы https://azbyka.ru/molitvoslov/molitvy-o-voinax.html#n2
