Молитвы на очищение Души и отгнание и избавление от злых духов, сущностей (наговоров, порчи, болезни, зависимости от вредных привычек и т.д.) и о сохранении от зла и тьмы.
Читаются молитвы по 9 раз каждая, 7 дней подряд, не пропуская. Желательно поститься и посещать храм. Если чувствуется большая тяжесть или давление, или потеря сознания, или повышение температуры до 38-40 бояться не нужно, с вами ничего не случится: если сильно тяжело, можно читать одну или несколько недель по 3 раза каждую молитву вместо 9 раз, но бросать не нужно, а потом постепенно перейти до 7 и до 9 раз. Если читать постоянно по 3 раза каждый день, чистятся все рядом живущие в округе и все родственники, и избавляются от супостатов, и меняют свой образ жизни становятся добрее, перестают ругаться, обижаться, извиняются, бросают все вредные привычки и пристрастия, выздоравливают и поворачиваются лицом к Богу!
Молитва Господня.
Отче Наш, Иже еси на Небесех! Да святится имя Твое, да приидет Царствие Твое, да будет воля Твоя, яко на Небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Яко Твое есть Царство и сила, и слава Отца и Сына и Святаго Духа, ныне и присно и во веки веков. Аминь.
Молитва на отгнание злых духов.
Тебе, Богу и Творцу моему, в Троице Святей славимому Отцу, и Сыну, и Святому Духу, поклоняюся и вручаю душу и тело мое, и молюся: Ты мя благослови, Ты мя помилуй и от всякаго мирскаго, диавольскаго и телеснаго зла избави. И даждь в мире без греха прейти день сей, в славу Твою и во спасение души моея. Аминь.
В руце Твоего превеликаго милосердия, о Боже мой, вручаю душу и тело мое, чувства и глаголы моя, советы и помышления моя, дела моя и вся тела и души моея движения. Вход и исход мой, веру и жительство мое, течение и кончину живота моего, день же и час издыхания моего, преставление мое и упокоение, и воскресение души и тела моего. Ты же, о Премилосерде Боже, всего мира грехами непреодолеваемая Благосте и Незлобие, Господи, мене, паче всех человеков грешнейшаго, приими в руце защищения Твоего и избави мя от всякого зла, очисти от множество беззаконий моих, подаждь исправление злому и окаянному моему житию и от грядущих грехопадений лютых всегда восхищай мя, да ни в чемже когда прогневаю Твое человеколюбие, имже покрывай немощь мою от бесов, страстей и злых человеков. Врагом видимым и невидимым запрети, руководствуя мя спасенным путем, доведи к Тебе, пристанищу моему и желаний моих краю. Даруй ми кончину христианску, непостыдну, мирну, от воздушных духов злобы соблюди, на Страшном Твоем Суде милостив рабу Твоему буди и причти мя одесную благословенным Твоим овцам, да с ними Тебе, Творца моего, славлю во веки. Аминь.
Слава Тебе, Царю, Боже Вседержителю, Иже Божественным Твоим и человеколюбным промыслом сподобил мя еси, грешнаго и недостойнаго, от сна встати и получити вход святаго дому Твоего: приими, Господи, и глас моления моего, якоже святых и умных Твоих сил, и благоволи сердцем чистым и духом смиренным приносити Тебе хвалу от скверных устен моих, яко да и аз общник буду мудрым девам, со светлою свещею души моея, и славлю Тя во Отце и Дусе славимаго Бога Слова. Аминь.
Молитва к Пресвятой Богородице.
(о даровании просветления и сил)
Богородице Дево, услыши обращение мое. Преславная Мария, прикоснись ко мне и очисти душу мою светом Своим, и дай мне почувствовать тепло руки Твоей на плече моем. Очисти скверну с головы и ушей моих и дай мне услышать робкое дыхание и краткую и тихую речь посланий Твоих, во дни и в ночи. Богоявленная, сними с глаз моих неверие мое и позволь проснуться душе моей от сна вечнаго, и увидеть яркий Свет от лица Твоего и Краснозлатое одеяние Твое.
О, Достойная и Благочестивая Царице Ангелов, Архангелов, Серафимов и Херувимов! Благословенная Мария, умоли и попроси Отца нашего даровать нам Свою помощь, силы и знания победить и растлить зло, сатанину и тьму: мечом, огнем и Крестом Животворящим и поддержи легионами Твоих Ангелов на прогнание супостата с телесе людскаго. Наставь и научи нас творить Волею Отца Господа Бога нашего в помощь всем людям, природе и Земле Матушке. Во веки веков. Аминь.
Символ Веры.
Верую во единаго Бога Отца Вседержителя, Творца небу и земли, видимым же всем и невидимым. И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век; Света от Света, Бога истинна от Бога истинна, рожденна, несотворенна, единосущна Отцу, Имже вся быша. Нас ради человек и нашего ради спасения сшедшаго с небес и воплотившагося от Духа Свята и Марии Девы, и вочеловечшася. Распятаго же за ны при Понтийстем Пилате, и страдавша, и погребенна. И воскресшаго в третий день по Писанием. И возшедшаго на небеса, и седяща одесную Отца. И паки грядущаго со славою судити живым и мертвым, Егоже Царствию не будет конца. И в Духа Святаго, Господа, Животворящаго, Иже от Отца исходящаго, Иже со Отцем и Сыном споклоняема и сславима, глаголавшаго пророки. Во Едину Святую, Соборную и Апостольскую Церковь. Исповедую едино крещение во оставление грехов. Чаю воскресения мертвых, и жизни будущаго века. Аминь.
Знаменуй себя крестом и говори
молитву Честному Кресту:
Да воскреснет Бог, и расточатся врази Его, и да бежат от лица Его ненавидящие Его. Яко исчезает дым, да исчезнут; яко тает воск от лица огня, тако да погибнут беси от лица любящих Бога и знаменующихся крестным знамением, и в веселии глаголющих: радуйся, Пречестный и Животворящий Кресте Господень, прогоняяй бесы силою на тебе пропятаго Господа нашего Иисуса Христа, во ад сшедшаго и поправшаго силу диаволю, и даровавшаго нам тебе Крест Свой Честный на прогнание всякаго супостата. О, Пречестный и Животворящий Кресте Господень! Помогай ми со Святою Госпожею Девою Богородицею и со всеми святыми во веки. Аминь.
Псалом 90.
Живый в помощи Вышняго, в крове Бога Небеснаго водворится. Речет Господеви: Заступник мой еси и Прибежище мое, Бог мой и уповаю на Него. Яко Той избавит тя от сети ловчи, и от словесе мятежна, плещма Своима осенит тя, и под криле Его надеешися, оружием обыдет тя истина Его. Не убоишися от страха нощнаго, от стрелы летящия во дни, от вещи во тме преходящия, от сряща и беса полуденнаго. Падет от страны Твоея тысяща, и тма одесную тебе, к тебе же не приближится, обаче очима твоима смотриши и воздаяние грешников узриши. Яко Ты, Господи, упование мое, Вышняго положил еси прибежище твое. Не приидет к тебе зло и рана не приближится телеси твоему, яко Ангелом Своим заповесть о тебе, сохранити тя во всех путех твоих. На руках возмут тя, да не когда преткнеши о камень ногу твою, на аспида и василиска наступиши, и попереши льва и змия. Яко на мя упова, и избавлю и: покрыю и, яко позна имя Мое. Воззовет ко Мне, и услышу его: с ним есмь в скорби, изму его, и прославлю его, долготою дний исполню его, и явлю ему спасение Мое.
Молитва Св. великомученику Георгию Победоносцу.
О, всехвальный, святый великомучениче и чудотворче Георгие! Призри на ны скорою твоею помощию и умоли Человеколюбца Бога, да не осудит нас, грешных рабов Божиих (имена), по беззакониям нашим, но да сотворит с нами по велицей Своей милости. Не презри моления нашего, но испроси нам у Христа Бога нашего тихое и богоугодное житие, здравие же душевное и телесное, земли плодородие и во всем изобилие, и да не во зло обратим даруемая нам тобою от Всещедраго Бога, но во славу святаго Имени Его и в прославление крепкаго твоего заступления, да подаст Он стране нашей и всему боголюбивому воинству на супостаты одоление и да укрепит непременяемым миром и благословением. Изряднее же да оградит нас святых Ангел Своих ополчением, во еже избавитися нам по исходе нашем из жития сего от козней лукаваго и тяжких воздушных мытарств его и не осужденным предстати Престолу Господа Славы. Услыши нас, страстотерпче Христов Георгие, и моли за ны непрестанно Триипостаснаго Владыку всех Бога, да благодатию Его и человеколюбием, твоею же помощию и заступлением обрящем милость со Ангелы и Архангелы и всеми святыми одесную Правосуднаго Судии стати и Того выну славити со Отцем и Святым Духом ныне и присно, и во веки веков. Аминь.
Молитва Архангелу Михаилу.
Господи, Боже Великий, Царю безначальный, пошли Архангела Твоего Михаила на помощь всем людям, живущим на земле, и рабам Твоим (имена: близких, соседей, знакомых). Защити, Архангеле, нас от всяких врагов, видимых и невидимых.
О, Господень Великий Архангеле Михаиле! Демонов сокрушитель, запрети всем врагам, борющимся со мною, и сотвори их яко овцы, и смири их злобные сердца, и сокруши их, яко прах перед лицем ветра.
О, Господень Великий Архангеле Михаиле! Шестикрылый первый Князь и Воевода Небесных Сил Херувимов и Серафимов, буди нам помощник во всех бедах, скорбях, в печалях, в пустыни и на морях тихое пристанище.
О, Господень Великий Архангеле Михаиле! Избави нас от всякия прелести диавольския, егда услышишь нас, грешных, молящихся Тебе, и призывающих имя Твое Святое. Ускори нам на помощь и побори всех, противящихся нам, силою Честнаго и Животворящего Креста Господня, молитвами Пресвятой Богородицы, молитвами святых Апостолов, Святителя Чудотворца Николая, Андрея, Христа ради, юродивого, святого пророка Илии и всех святых великомучеников: Пантелеймона, Екатерины, Анастасии, святых мучеников Никиты и Евстафия, преподобного Серафима Саровского, Сергия Радонежского, Антония и Феодосия Печерских и всех преподобных отцов наших, от века Богу угодивших и всех святых Небесных Сил.
О, Господень Великий Архангеле Михаиле! Помоги нам грешным и избавь нас от труса, потопа, огня, меча и напрасной смерти, от великого зла, от врага льстиваго, от бури поносимой, от лукавого избавь нас всегда, ныне и присно, и во веки веков. Аминь.
Святой Архистратиг Божий Михаил, молниеносным мечом Твоим отжени от мене (имя) духа лукавого, искушающего и томящего мя. Аминь.
Молитва Святителю Николаю Чудотворцу.
О, Всесвятый Николае, угодниче преизрядный Господень, теплый наш заступниче и везде в скорбех скорый помощниче! Помози мне, грешному и унылому рабу (рабе) (имя) в настоящем житии, умоли Господа Бога даровати ми оставление всех моих грехов, елико согреших от юности моея, во всем житии моем, делом, словом, помышлением и всеми моими чувствы; и во исходе души моея помози ми, окаянному, умоли Господа Бога, всея твари Содетеля, избавити мя воздушных мытарств и вечнаго мучения: да всегда прославляю Отца и Сына и Святаго Духа, и твое милостивное предстательство, ныне и присно, и во веки веков. Аминь.
Молитва Св. преподобному Серафиму Саровскому.
О, пречудный отче Серафиме, великий Саровский чудотворче, всем прибегающим к тебе скоропослушный помощниче! Во дни земнаго жития твоего никтоже от тебе тощ и неутешен отыде, но всем в сладость бысть видение лика твоего и благоуветливый глас словес твоих. К сим же и дар исцелений, дар прозрения, дар немощных душ врачевания обилен в тебе явися. Егда же призва тя Бог от земных трудов к небесному упокоению, николиже любы твоя преста от нас, и невозможно есть исчислити чудеса твоя, умножившася, яко звезды небесныя; се бо по всем концем земли нашея людям Божиим являешися и даруеши им исцеления. Темже и мы вопием ти: о, претихий и кроткий угодниче Божий, дерзновенный к Нему молитвенниче, николиже призывающия тя отреваяй! Вознеси о нас благомощную твою молитву ко Господу сил за рабов Божиих (имена), да дарует нам вся благопотребная в жизни сей и вся к душевному спасению полезная, да оградит нас от падений греховных и истинному покаянию да научит нас, во еже безпреткновенно внити нам в вечное Небесное Царство, идеже ты ныне в незаходимей сияеши славе, и тамо воспевати со всеми святыми Живоначальную Троицу во веки веков. Аминь.
Молитва.
Во имя Отца и Сына и Святого Духа. Аминь.
Господи, я люблю тебя всем сердцем своим и душой.
Господи, прости мои грехи, обиды, печаль, жалость, зависть, жадность, агрессию, ненависть, чувство вины, ревность, корысть, эгоизм, и все мои пороки, и все мои чувства, которые причиняли боль моей душе, моему телу, моим близким, родственникам, детям, всем людям, всему живому на Земле и Земле-Матушке. Прости меня, Господи. Аминь.
Господи, прости грехи моих предков и их неправильные поступки и деяния, очисти их души и прими их в Царствие Небесное. Аминь.
Слава Отцу и Сыну и Святому Духу. Аминь.
Аллилуйя, Аллилуйя, Аллилуйя (9 раз)
Слава Отцу и Сыну и Святому Духу, и ныне и присно и во веки веков. Аминь.
